• Oficial RHTO Covalima

    Info husi munisipiu Covalima: ohin loron Oficial RHTO Covalima hamutuk ho SKA hodi fahe material prevensaun Covid-19 nian ba F-FDTL no Policia sira Tafara Material sira mak hanesan, Hand Sanitizer,

    Read more »

  • Ekipa RHTO hamutuk ho GMNTV

    Ekipa RHTO hamutuk ho GMNTV halo kobertura ba ema ho defisiensia Ligadu ba implikasaun Serka sanitaria no Konfinamentu obrigatirio nebe difisil Ema hodi hetan ba nesesidade baziku ba Familia nebe

    Read more »

  • Talk show iha Radio Liberdade

    Hamutuk ita Asegura prevensaun ba propagasaun no trasmisaun ba komunidade inklui ema ho defisiénsia Sira. Ra’es Hadomi Timor Oan (RHTO), konsidera ema ho defisiénsia mak iha vulneravel liu atu hetan

    Read more »

Ra’es Hadomi Timor Oan Hala’o Audensia Ho Exelensia SECOMS


Ra’es Hadomi Timor Oan (RHTO) hala’o audensia ho sua Exelensia Sr.Expedito Dias Ximenes, Sekretariu Estadu Comunikasaun Sosial, hanesan parseiru dezemvolvimentu ba Implementasaun PAN-EhD-2021-2030 no kompromisiu ba implementasaun Konvensaun kona-ba Direitu Ema ho Defisiénsia (CRPD) nune’e ba inkluzaun defisiésia iha Timor-Leste,atu informasaun ne’e kredivel no iha balansu ba inkluzaun defisiénsia
Objetivu husi Audénsia ne’e RHTO koalia kona ba publikasaun Video ka informasaun ruma husi organizasaun defisiensia bele gratuita iha televizaun liu-liu iha kanal RTTL.EP no ba futuru hakarak asina MOU entre RHTO no SECOMS hodi promove direitu ema ho defisiénsia nian asesu ba informasaun ne’ebe inkluzivu hodi hatan ba PAN-EhD 2021-2030.

Prezidenti Parlamentu Nasionál (PPN) entrega hikas Motor Roda tolu ba Ema ho Defisiénsia.


Sua Exelensia Sra. Maria Fernanda Lay, Prezidenti Parlamentu Nasionál (PPN) entrega hikas Motor Roda tolu ba Ema ho Defisiénsia.
Motor roda tolu ne’ebe mak RHTO entrega ba PPN iha loron 03 fulan Setembru iha RHTO nia Gala Dinner, Palacio Nobre, Lahane Osidental. Exelensia PPN momentu ne’ebá husu RHTO atu ajuda identifika Ema ho Defisiénsia nune’e hafasil Exelensia PPN desidi Ema ho Defisiénsia bele hetan motor refere hodi utiliza.
Ohin loron Exelensia PPN entraga direta modifikasaun motor roda tolu ba ema ho defisiensia ho naran, Jose Corbafo ho Defisiénsia fiziku husi RAEOA. Iha okaziaun ne’e Sr.Corbafo sente kontenti no orgullu tebes, tamba durante ne’e hakarak tebes oinsa atu hetan motor ida atu fasilita nia atu hala’o nia negosiu kiik hanesan loke kios no hadia sasan eletroniku sira iha suku Padeai, Oe-cusse hodi sustenta nia familia, liu liu nia oan nain rua hodi kontinua nia estudu iha Universidade. Ohin loron Sr .Corbafo simu duni motor roda 3 husi Exelensia PPN.
Sr. Corbafo espresa katak hanesan grasa ida ba nia no agradese ba Maromak buat hotu la’o tuir nia tempu tamba durante ne’e esforsu hela maibe la iha rezultadu maibé ohin mehi ne’e hetan ona responde, tenik (Sr.Corbafo). Modifikasaun Motor Roda Tolu ne’e RHTO hala’o liu husi apoia finansia hosi MISEREOR/KZE.
Iha biban ne’e, RHTO rekomenda ba Orgaun soberania sira liu liu Parlamentu Nasional katak besik dadauk ona ba debate OGE 2025 tamba ne’e RHTO husu exelensia nafatin sai hanesan promotor ba direitu ema ho defisiénsia liu-liu oinsa mak bele fo hanoin ba ita nia orgaun estadu liu-liu Ministeriu sira ne’ebe mak hola parte iha PAN-EHD 2021-2030 ne’ebe mak aprovadu ona iha Konselu Ministru no Konvensaun direitu ema ho defisiénsia ne’ebe aprova no Ratifika ona iha Parlamentu Nasionál iha 2022, no Konvensaun kona-ba Direitu Ema ho Defisiénsia (CRPD) entre em vigór hafoin Konvensaun refere Estadu Timor-Leste ratifika iha ONU iha inisiu 2023. Ho ratifikasaun ba Konvensaun ne’e, governu no liña Ministeriu sira bele konsidera aloka Orsamentu Geral Estadu tuir programa ne’ebe sensivel tamba Timor-Leste mos adere ona ba Komprimisiu ODS katak” la bele husik ema ida hela iha kotuk”
*SuraHoHauIhaOGE2025#

ANUNSIU VAGA IHA RHTO

Ra’es Hadomi Timor Oan (RHTO) mak organizasaun nasional ema ho defisiénsia iha Timor-Leste. Hanesan membru organizasaun ida ho konstituensia husi aproximadamente membru liu 2.000 kompostu ema ho tipu difiesiénsia oioin nune’e mós sira nia familia. RHTO servisu direitamente ho membru sira no sira-nia familia sira através munisipius 13 Timor-Leste hodi mellora asesu ba edukasaun, servisu saúde, filaliman nune’e mós partisipasaun ema ho defisiensia sira iha komunidade. Iha Projetu HAMRIIK asegura partisipasaun ema ho defisiensia efetivu no igual ba mudansa klimatika iha moris agrikultura nian.

Governu Nova Zelandia (MFAT) liu husi Parseiru Dezenvolvimentu OXFAM iha komitmentu bo’ot hodi servisu hamutuk ho parseiru sira no organizasaun defisiensia atravez liu husi RHTO iha Projetu Hametin Reziliente Inkluzivu iha Komunidade durasaun projetu hahu husi Abril 2024- Marsu 2025. Iha implementasaun projeitu ne’e RHTO sei servisu besik liu ho parte governu, parseiru, komunidade no ema ho defisiensia oinsa atu mellora no asesgura komunidade no ema ho defisiensia reziliente ba mudansa klimatika ne’ebe akontese iha global inklui Timor-Leste. Area tarjetu ba projetu sei kobre iha Munisipiu rua mak hanesan; Oe-Cusse no Liquiça.

II. Infórmasaun Jeral
Pozisaun :Kordenador/ a Projetu Ema Ida
:Offisial kampu RAEOA( ema ida)
:Offisial Finansa no administrasaun( ema ida )

enkoraja ema hotu atu aplika (feto ka mane prioriedade ba ema ho defisiénsia no maluk sira grupu LGBTIQ+)

VII. Deadline ka loron ikus submisaun CV no dokumentu
• Sesta feira 23/8/2024 , óras tuku 5.00 lorokraik hahu’u simu dokumentus;
• Prazu submisaun dokumentus iha dia 30/8/2024 , tuku 5.00 lorokraik. RHTO labele simu ona dokumentu kuandu liu ona prazu data no oras refere iha leten.

VIII. Dokumentu sira ne’ebé persija maka:
• Curiculum Vita’e(CV)
• Karta Aplikasaun ou Rekeremento Dirije ba ; Joaozito dos Santos , Director RHTO.
• Dokumentus seluk hanesan referensia tenki 2 sertifikadu no seluk-seluk;

IX. Submisaun CV no Dokumentus
•Kontaktu Sra. Madalena de Jesus Martins, Ofisial Administrasaun RHTO ka Sra. Veneranda C.F. Mendonca Prokurment And Logistik Officer
•Kopia Elektronika CV no dokumentus bele manda liu husi e-mail ka no mós simu dukumentus direitamente iha edifisiu RHTO Dili iha loron no oras servisu.
E-mail addres :madalena.martins.dpo@gmail.com ka (venerandacfm.rhtologistic@gmail.com)ho númeru kontaktu: +670 78620486/ +670 77471452 /+670 3310540 RHTO sei telefóne deit kandidatu sira ne’ebé maka pasa husi Shortlist CV no dokumentus hodi mai entrevista.

TOR ba OFISIAL KAMPU PROJETU HAMRIK
TOR ba ADMINISTRASAUN PROJETU HAMRIK
TOR ba KORDENADOR PROJETU HAMRIK

LANSAMENTU OFISIAL ENTREGA ASESIBILIDADE IHA ESKOLA.

Semana kotuk liu ba: Ra’es Hadomi Timor Oan hamutuk ho Parseira sira lansamentu official hodi entrega asesibilidade ne’ebe konstrui husi RHTO iha eskola EBC Mehara postu administrative Tutuala Munisipiu Lautem no EBC Beadik Postu administrativu manatutu Villa Munisipiu Manatutu ba ema ho defisiénsia hodi garante inkluzividade iha eskola no partisipasaun ema ho defisiénsia nian nebe efetivu iha eskola sira hodi la husik ema ida iha kotuk.
Aktividade ne’e hetan apoiu husi Governo Australia Liu husi Parseiru Dezemvolvimentu Humanu(PHD)

Governu hamosu injustisa sosial hasoru ema ho defisiénsia

Díli—21/03/20234,Asosiasaun Defisiénsia Timor-Leste (ADTL)ho nia membru Organizasaun Defisiensia iha Timor-Leste lamenta ho desizaun governo nian nebe hapara subsidiu ba ema ho defisiénsia no mós preokupa ho Dekretu Lei númeru 8/2024 kona-bá subsídiu bá ferik katuas sira no daudaun ne’e subsí diu nafatin de’it la muda lia-fuan ida inválidu.
“Ami hato’o ami nia lamentasaun kona-bá dekretu ne’e katak MSSI halo tiha alterasaun bá lei ida-ne’e maibé pelumenus ami nia preokupasaun ne’ebé mak anteriór ami hato’o iha ne’e mak lia-fuan inválidu ne’e halakon tiha no uza de’it mak liafuan ema ho defisiénsia,”. bainhira sira hapara subsídiu bá maluk sira ho difisiénsia ne’ebé mak servisu iha organizasaun no servisu iha instituisaun seluk. Sira labele simu ona subsídiu tanba sira asesu ona bá iha seguransa sosiál ho razaun katak sira hetan ona vensimentu hosi ne’e. Maibé hosi subsídiu ida-ne’e kolega sira defisiénsia bele halo buat barak tanba sira bele bá eskola, uza bá nesesidade lorloron nian. Tuir loloos subsídiu ida-ne’e bele akomoda sira hodi hola sira nia ekipamentu defisiénsia no ajuda nesesidade adisionál sira seluk,”
Antes hapara subsidiu ida ne’e Governu presiza aprosima uluk ho ema ho defisiénsia no peskiza uluk mak bele foti desizaun.no hapara subsidiu refere maibe derepenti deit.
Tamba ne’e Organizasaun Defisiénsia hotu hato’o lamentatasaun hirak nebe hasoru Komisaun A Parlamentu Nasionál (PN) ne’ebé trata asuntu Lejizlasaun no Justisa no komisaun F ne’ebé trata asuntu Saúde, Seguransa Sosiais no Igualdade Jéneru kona-bá subsídiu ne’ebé Ministériu Solidadriedade Sosiál no Inkluzaun (MSSI) hapara bá ema ho difisiénsia sira ne’ebé hetan ona servisu, lamentasaun ne’e atu husu de’it razaun tanba saida mak ema ho defisiénsia ne’ebé servisu ona labele hetan subsídiu ne’e.
“Tuir loloos Governu tenke halo separasaun bá seguransa sosiál ne’e buat ketak ida, asisténsia sosiál ne’e buat ketak ida. Agora, laiha separasaun ne’e mak derrepenti ami bá simu osan, sira dehan fali imi sira servisu ona ne’e labele hetan favor MSSI labele halo diskriminasaun,bainhira halo konsultasaun mós bele halo esklaresimentu katak ema ida funsionáriu nia saláriu $500 bá leten bele konsidera katak nia labele simu no sira ne’ebé saláriu $500 mai karaik ne’e bele simu, maibé laiha konsultasaun no Governu hapara derrepenti de’it.
“Subsídiu ne’ebé Governu fó bá ema ho defisiénsia kada fulan $60. Sé ita kompara ho subsídiu membru Governu no membru Parlamentu Nasionál sira ne’ebé mak hetan subsídiu bá pulsa, transporte, saúde ne’e ita kompara bá fulan ida $60 ne’e sira liu tiha ida-ne’e. Sé hakarak hapara subsídiu tenki hapara hanesan labele halo diskriminasaun,tamba lei garante ema ho defisiensia mos iha direitu hanesan sidadaun sira seluk.”hahteten portavoz Organizasaun Defisiénsia iha Timor-Leste”

La rende atu fahe informasaun ba Komunidade kona ba Inkluzaun defisiénsia

Vikeke:Ohin loron Tersa-feira,12/03/2023 offisial Ra’es Hadomi Timor-oan munisipiu Vikeke halo Sosializasaun iha Suku Irabin De Baixo,postu Administrativu Uatucarbau.
Objetivu husi sosializasaun ne’e atu hasa’e konsensia kona ba komunidade,Ema ho defisiénsia no autoridade local sira nia konsensia kona ba Inkluzaun defisiénsia no oinsa utiliza terminolojia ne’ebe apropriadu ba ema ho defisiénsia iha sira nia Suku rasik.
Aktividade ne’e realiza tamba hetan apoiu husi Governo Australia DFAT liu husi Parseiru Dezemvolvimentu Humanu(PHD)

RHTO hahu hari asesibilidade iha Eskola no Edifisiu públiku balun iha Munisipiu

RHTO hahu hari asesibilidade iha Eskola no Edifisiu públiku balun iha Munisipiu

Ra’es Hadomi Timor Oan hahu halo asesmentu iha fulan fevereiru no kontinua hari asesibilidade,halo rampa no haris fatin Ne’ebe mak asesivel ba ema ho defisiénsia iha fatin públiku sira hanesan eskola iha Baucau, Lautem no Registu Notariadu iha Vikeke ne’ebe mak ekipa RHTO halo ona identifikasaun ba ,atu nune’e ba futuru ema ho defisiénsia bele asesu ho livre iha eskola hodi hala’o sira nia processu aprendizagem ho diak no livre iha sala de aula no asesu ba haris fatin ho independente no Registu Notariadu hodi hetan dokumentus ruma ne’ebe mak presiza hanesan Bilete de Identidade no Certidaun Nascimentu,iha tempu badak mos sei implementa mos ba eskola no edifisiu públiku balun ne’ebe mak ekipa RHTO halo identifikasaun ona iha munisipiu balun.
Aktividade ne’e ne’e hala’o tamba hetan apoiu husi Governu Australia DFAT liu husi parseiru dezemvolvimentu Humanu( PHD)

1 2