La rende atu fahe informasaun ba Komunidade kona ba Inkluzaun defisiénsia

Vikeke:Ohin loron Tersa-feira,12/03/2023 offisial Ra’es Hadomi Timor-oan munisipiu Vikeke halo Sosializasaun iha Suku Irabin De Baixo,postu Administrativu Uatucarbau.
Objetivu husi sosializasaun ne’e atu hasa’e konsensia kona ba komunidade,Ema ho defisiénsia no autoridade local sira nia konsensia kona ba Inkluzaun defisiénsia no oinsa utiliza terminolojia ne’ebe apropriadu ba ema ho defisiénsia iha sira nia Suku rasik.
Aktividade ne’e realiza tamba hetan apoiu husi Governo Australia DFAT liu husi Parseiru Dezemvolvimentu Humanu(PHD)

RHTO hahu hari asesibilidade iha Eskola no Edifisiu públiku balun iha Munisipiu

RHTO hahu hari asesibilidade iha Eskola no Edifisiu públiku balun iha Munisipiu

Ra’es Hadomi Timor Oan hahu halo asesmentu iha fulan fevereiru no kontinua hari asesibilidade,halo rampa no haris fatin Ne’ebe mak asesivel ba ema ho defisiénsia iha fatin públiku sira hanesan eskola iha Baucau, Lautem no Registu Notariadu iha Vikeke ne’ebe mak ekipa RHTO halo ona identifikasaun ba ,atu nune’e ba futuru ema ho defisiénsia bele asesu ho livre iha eskola hodi hala’o sira nia processu aprendizagem ho diak no livre iha sala de aula no asesu ba haris fatin ho independente no Registu Notariadu hodi hetan dokumentus ruma ne’ebe mak presiza hanesan Bilete de Identidade no Certidaun Nascimentu,iha tempu badak mos sei implementa mos ba eskola no edifisiu públiku balun ne’ebe mak ekipa RHTO halo identifikasaun ona iha munisipiu balun.
Aktividade ne’e ne’e hala’o tamba hetan apoiu husi Governu Australia DFAT liu husi parseiru dezemvolvimentu Humanu( PHD)

Ekipa RHTO halo Vizita ba Ema ho Defisiénsia iha Suku Saburai, Munisipiu Aileu. 

Ekipa RHTO halo Vizita ba Ema ho Defisiénsia iha Suku Saburai, Munisipiu Aileu.

 

Ekipa RHTO halo Vizita ba Ema ho Defisiénsia iha Suku Saburai, Munisipiu Aileu. 

Maun João Manuel do Rego ne’ebé RTTL.EP, fo sai nia filmajem iha loron rua liu ba.

Liu husi vizita ida ne’e Diretor RHTO hateten: ami ekipa ne’bé mai vizita kolega João mai ho buat ne’ebé kbi’it organizasaun RHTO, ida ne’e hanesan sentidu solidariedade ida ba João hanesan ami-nia belun di’ak no Ema ho Defisiensia ida. Enkoraza nafatin familia labele halo diskriminasaun ba João tanba nia defisiénsia, nia iha direitu hanesan ema sira seluk tuir Konstituisaun artigu16 no 21 proteje no alende ne’e estadu Timor-Leste mós ratifika ona Konvensaun kona-ba Direitu Ema ho Defisiénsia ne’ebé entra vigor.

Ho prezensa RHTO ho ekipa nian halo João ho familia sente kontenti tebes hanesan grasa ida tamba Ema ho Defisiénsia mak halo vizita ba nia maluk ho Defisiénsia maske rai do’ok no kalan maibe ekipa konsege too duni fatin, tenik Joao nia mama.

RHTO mós agradese ba ADTL ho nia ekipa nia apoia, maun Apoly ne’ebé hola parte iha ekipa vizita ne’e, reprezenta ADTL no ba TL.Ep, nia servisu ne’ebé maka di’ak tebes durante ne’e hodi fo sai informasaun kona-ba Ema ho Defisiénsia iha area rurais, liliu belun João nia moris. Fiar Nafatin RTTL.EP, sai matan, tilun no ibun ba grupu marjinaladu sira liliu Ema ho Defisiénsia sira.

Fatin: Saburai, Aileu,17/08/2023

Media RHTO

Vizita Kortezia Hosi Xefe Misaun Australia Iha Timor-Leste Mai edifisio RHTO

Fulan Junhu 2023 Vizita Kortezia Hosi Sra. Caitlin Wilson, Xefe Misaun Australia Iha Timor-Leste Ka Embaixadora Interina Australia Iha Timor-Leste.
Vizita kortezia hosi Sra. Caitlin Wilson, Xefe Misaun Australia iha Timor-Leste ka
Embaixadora Interina Australia iha Timor-Leste, Sra. Rebecca Dodd, Konseleira ba Dezenvolvimentu & Umanu no Mana Gedrudes da Silva (Getty), Koordenadora Senior ba Edukasaun no Inkluzaun Defisiensia mai Vizita Ra’es Hadomi Timor Oan (RHTO).
Liu husi vizita ne’e, RHTO aprezenta progresu no susesu servisu nian ba Xefe Misaun iha Timor-Leste ho komitiva aumesmu tenpu vizita mós grupu ofisina inkluzivu, resiklazen no kustura.

Sra. Caitlin ho komitiva apresia ba servisu sira ne’ebé maka RHTO hala’o hodi luta ba direitu ema ho defisiénsia no inkluzaun defisiénsia iha Timor-Leste.
RHTO apresia no hato’o obrigadu ba Governu Australia nia apoia ba Governu Timor-Leste, iha Setor Dezenvolvimentu Inkluzivu liliu iha Setor Inkluzaun Defisiénsia iha Timor-Leste ba RHTO nia servisu sira durante tinan barak nia laran.
Sra. Caitlin, afirma Governu Australia sei mantein apoia no servisu hamutuk iha futuru.

Media RHTO

Oficial RHTO Covalima

Info husi munisipiu Covalima: ohin loron Oficial RHTO Covalima hamutuk ho SKA hodi fahe material prevensaun Covid-19 nian ba F-FDTL no Policia sira Tafara Material sira mak hanesan, Hand Sanitizer, sabaun no Scanner. Fatin iha Postu Tilomar iha ponte.Data:1/03/2021

Ekipa RHTO hamutuk ho GMNTV

Ekipa RHTO hamutuk ho GMNTV halo kobertura ba ema ho defisiensia Ligadu ba implikasaun Serka sanitaria no Konfinamentu obrigatirio nebe difisil Ema hodi hetan ba nesesidade baziku ba Familia nebe Hela hamutuk iha Uma Ida mais/menus 23 inklui Ina Ema adultu,labarik no inklui mos Ema ho defisiensia nain tolu, Familia susar atu hetan aihan nebe naton hodi sustenta familia iha Serka sanitario no Konfinamentu obrigatirio ne’e Tamba familia refere depende deit ba to’os nebe sira halo,, no Sira depende deit ba Osan nebe membru familia Nudar Aman hetan Fulan Fulan husi Governo (Veteranos) maibe ne’e la too Tamba Hela hamutuk Uma laran barak,iha suku Bekora,Aldeia Mota Ulun,postu Cristo Rei, Munisipiu Dili,18/03/2021

Talk show iha Radio Liberdade

Hamutuk ita Asegura prevensaun ba propagasaun no trasmisaun ba komunidade inklui ema ho defisiénsia Sira. Ra’es Hadomi Timor Oan (RHTO), konsidera ema ho defisiénsia mak iha vulneravel liu atu hetan transmisaun Corona Virus tamba ne’e promosaun, prevensaun no protesaun ba COVID-19 importante ba sira atu hatene halo prevensaun ba moras refere. Iha semana kotuk liuba, RHTO servisu hamutuk ho diresaun Servisu Saúde Munisípiu Dili Sra. Agostinha Segurado hosi Ministériu Saúde no diresaun Ekipa Rehabilitasaun Sra. Silvina Dulce Dos Santos hosi PRADET Partisipa talk show iha kanál Rádiu Liberdade Dili Fm.95.8 durante horas ida nia laran.Talk show ne’e koalia kona-ba atendimentu sáida mak Ministeriu Saúde ho PRADET sei fó no hodi halo planu ba oin atu nune’e asegura Ema ho Defisiénsia bele prevene hosi surtu COVID-19.Durante diskusaun Diretora ne’e liga ba promosaun prevensaun protesaun ba asuntu liuliu ba COVID-19 no sei servisu hamutuk ho ekipa RHTO atu kontribui ba servisu saúde iha aspeitu hotu. RHTO sai hanesan liman-ain ema ho defisiénsia servisu hamutuk ho Mds no Organizasaun Ema ho Defisiénsia sira hodi halo promosaun ba prevensaun surtu COVID-19 Diretora Saúde kompromete servisu hamutuk ho RHTO hodi sosializa sobre prevensaun COVID-19 ba funsionáriu RHTO atu fahe filafali informasaun sira ne’e ba kliente RHTO nian iha baze. Talk show ne’e realiza iha Radio Liberdade tamba kordenasaun di’ak RHTO ho MdS Munisipiu Dili no mós PRADET.No hetan apoia husi Governu Australia (DFAT) liu husi Parseiru Dezemvolvimentu Humanu (PHD).